Касьба ўсё больш набірае абароты, на раніцу ўчарашняга дня па раёне было скошана 1944 гектары траў, з іх 556 гектараў — у “Слаўгарадскім”, 403 — у “Глускай Зары”, 325 — у эксбазе “Глуск”, 261 — у “Турыно-агра”, 234 — у РАПТЗ і 165 — у “Зары Камуны”. Па раёне першы ўкос праведзены на 36 працэнтаў. Больш як палова скошанай травы ўжо ўбрана — 1131 гектар. Усё больш гаспадарак уключаецца ў нарыхтоўку сена: гэтага грубага корму нарыхтавана 97 тон: 50 — у “Турыно-агра”, 25 — у “Слаўгарадскім”, 12 — у райаграпрамтэхзабеспячэнні і першыя 10 тон сена на рахунку эксперыментальнай базы. Без малога тры тысячы тон нарыхтавана сенажу, працэнт да задання — 5, гэта ў сярэднім па раёне, а самы высокі ён у “Турыно-агра” — тут сенажу нарыхтавана дзясятая частка патрэбнай колькасці, або 610 тон. Менавіта ў гэтай гаспадарцы, а яшчэ ў “Глускай Зары” ўжо ёсць першы цэнтнер кармавых адзінак на ўмоўную галаву. Першы ўкос шматгадовых траў — толькі пачатак вялікай і важнай работы — нарыхтоўкі кармоў для грамадскага статка, сяголета ў раёне на адну ўмоўную галаву павінна быць нарыхтавана 30,1 цэнтнера кармавых адзінак, работа па выкананні гэтага задання будзе прадаўжацца да глыбокай восені.

Інфармацыя падрыхтавана па даных упраўлення па сельскай гаспадарцы і харчаванні на 11 чэрвеня