Темы

На апошніх гектарах сяўбы

На апошніх гектарах сяўбы

Васямнаццаць гектараў поля блізу Веснава сталі завяршаючымі для “Турыно-агра” ў сяўбе ранніх зерневых.

Калі ў сераду на гэтым тыдні мы прыехалі ў гаспадарку, механізатар Віктар Кончыц (на здымку)на ўскраіне поля якраз заканчваў праверку і наладку пасяўнога агрэгата, каб не падвяла тэхніка ў рабоце. Бо зараз шчыраваць прыходзіцца без перапынку, вясна — пара гарачая, хоць там дождж ці нават снег па прагнозе.

Кіраўнік “Турыно-агра” Генадзь Маханька расказаў, што Віктар Кончыц адзін засеяў палеткі, адведзеныя ў гаспадарцы сёлета пад раннія яравыя зерневыя і зернебабовыя культуры, гэта 330 гектараў. Сярод іх 60 гектараў пшаніцы, яе ў “Турыно-агра” вырошчваюць другі год. А на полі каля Веснава Віктар Кончыц сеяў ячмень, пад гэту расліну запланавана 70 гектараў.

Увогуле, пасяўная праходзіць як трэба, у належным тэмпе, насенне сваё, якаснае, кандыцыйнае, унеслі азотныя і калійныя ўдабрэнні, паліва дастаткова, расказаў Генадзь Маханька. І работнікі добрыя, вось хоць той жа Віктар, які калісьці прыйшоў маладым хлопцам, а зараз ужо вопытны механізатар, яму смела можна даверыць самыя складаныя ўчасткі. І гэта, між іншым, не пахвальба кіраўніка — Віктар Кончыц адзін з лепшых у раёне, яго прозвішча на слыху, яно заўсёды гучыць у ліку перадавікоў. Да прыкладу, у мінулым годзе па выніках вясенняй пасяўной быў адзначаны аж у дзвюх намінацыях.

Але ж былыя заслугі ніяк не дадуць рады ў новым сельскагаспадарчым сезоне, разумее механізатар і рвецца ў поле. Вось і ў дзень нашай сустрэчы ён, спарадкаваўшы пасяўны агрэгат, выдзеліў некалькі хвілін на фатаграфаванне і павёў свой магутны “Беларус-3522” на палетак. Хутка на месцы, дзе сёння леглі ў глебу зярняткі, закалосіцца ніва, і ўжо ў ліпені на гэтае ж поле зноў накіруецца Віктар Кончыц, толькі ўжо на зернеўборачным камбайне. Гэта вельмі прыемны і важны момант — бачыць такі яўны, відавочны вынік сваёй работы, прызнаўся нам Віктар.

А. ВАСІЛЕЎСКАЯ

Фота І. ГРАМЫКІ

Последние новости

Творческие проекты

Пераможны май. Праз 23 гады пасля вайны

5 апреля 2025
Читать новость
Происшествия

Пара купила домик мечты в деревне. Но что оказалось под красивой обшивкой

5 апреля 2025
Читать новость
АПК

На апошніх гектарах сяўбы

5 апреля 2025
Читать новость
Культура

Мероприятия для пожилых людей в учреждениях культуры Глусского района. Апрель

5 апреля 2025
Читать новость
Духовность

Глусчане присоединились к республиканской благотворительной акции «Восстановление святынь Беларуси»

4 апреля 2025
Читать новость
Актуально

Что делать с тихим домашним пьяницей? Отвечает участковый инспектор милиции

4 апреля 2025
Читать новость