У раёне прадаўжаецца сяўба ранніх яравых культур, агульная плошча, засеяная зерневымі і зернебабовымі перавышае 2 тысячы гектараў, што адпавядае 64 працэнтам ад патрэбнага. Аўса пасеялі  1026 гектараў, зернебабовых — 740, ячменю — 188 га. Пры гэтым у “Турыно-агра” планавыя 330 гектараў ранніх яравых зерневых ужо пасеялі і першымі пачалі сеяць аднагадовыя травы.

Шматгадовыя травы на пашы падсеяны на 704 гектарах.

Завяршаецца другая падкормка азотам азімага рапсу на зерне: застаецца падкарміць 50 гектараў, работы выкананы на 88 % да плану. Пачалася другая падкормка азотным удабрэннем азімых зерневых на зерне, планавая плошча 6105 гектараў, падкормлена каля 400.

Арганічных угнаенняў на палі вывезена больш за 166 тысяч тон, унесена ў глебу 101 тысяча.

Пад яравую сяўбу ўзарана больш за 3 з паловай тысячы гектараў глебы (63 працэнты да плану), на 9600 гектарах унесены калійныя ўдабрэнні (88 працэнтаў да патрэбнага).

Т. ЛУГАВАЯ  

Інфармацыя падрыхтавана па даных упраўлення па сельскай гаспадарцы і харчаванні на раніцу 3 красавіка