“Рэспубліканскі турнір па таэквандо. 10.03.2012г. Глуск” — так напісана на медалях, за якія змага-ліся каля 200 юных спартсменаў. І сапраўды, днямі ў чарговы раз наш раённы цэнтр прымаў аматараў усходніх адзінаборстваў з Бабруйска, Мінска, Крупак і Віцебска. Спаборніцтвы праходзілі на базе раённай гімназіі, спартсмены выступалі адразу на двух татамі, саперніцтва было самым сур’ёзным: у некаторых узроставых групах для перамогі патрэбна было выйграць шэсць баёў. І такія пераможцы ёсць і сярод нашых таэквандыстаў! Так, першыя месцы ў сваіх узроставых групах заваявалі Дзмітрый Нікіцін, Юля Рыбакова, Павел Кульба і Павел Нікіцін. Дарэчы, у апошняга спартсмена, акрамя медаля вышэйшай пробы, яшчэ і сярэбраны. Разам з ім такія ж узнагароды атрымалі Арцём Тозік, Дзмітрый Барысавец (у яго два медалі) і Максім Нікановіч. “Бронза” дасталася Кірылу Андрэйкіну, Кірылу Ніціеўскаму, Мацвею Зыху і Ва-дзіму Усіку (у іх па два медалі). Усяго было разыграна 160 узнагарод — 60 вышэйшай вартасці, 25 сярэбраных і 75 бронзавых медалёў. Як зазначылі ў фізкультурна-спартыўным клубе, пры якім і займаюцца нашы таэквандысты, гэтыя спаборніцтвы былі б немагчымыя без садзейнічання, якое аказалі кіраўніцтва раённай гімназіі і “Жылкамгаса”, і спонсарскай дапамогі Яўгенія Варавы і Кірыла Зыха. Разам з гэтым нельга не адзначыць дзейсную зацікаўленасць у развіцці спорту раённай улады — менавіта з мясцовага бюджэту былі выдзелены сродкі для набыцця спецыяльнага пакрыцця для заняткаў таэкван-до. І гэта першыя значныя спаборніцтвы, якія глускія спартсмены правялі на сваім татамі. Выступілі ўдала, таму ўсе 15 заваяваных імі медалёў можна лічыць своеасаблівай справаздачай, падзякай, а разам з гэтым і пераканаўчым сведчаннем таго, што гэтая інвестыцыя поўнасцю апраўдала сябе канкрэтнымі спартыўнымі дасягненнямі.
